Dende o 27 de setembro de 1977 o Instituto é membro da REDE DE ESCOLAS ASOCIADAS Á UNESCO, unha organización internacional que agrupa a máis de 6.000 escolas, de tódolos niveis, nos cinco continentes. Cada escola da organización asume e peresgue unha serie de obxectivos básicos:

Crear nos estudiantes actitudes de tolerancia, comprensión e cooperación internacional.
Converterse en baluartes da defensa dos Dereitos Humanos e da Educación en Valores.
Educar nunha cultura de paz ós alumnos e alumnas.
Crear ámbitos de relación interculturais e interétnicos.
Introducir no proceso de ensinanza-aprendizaxe metodoloxías innovadoras, nas que estén presentes as novas tecnoloxías.
Establecer canles de intercambio entre estudiantes e profesores dos diferentes países.

Dentro deste ámbito o Instituto ten recibido o recoñecemento da UNESCO, pola súa defensa dos Dereitos Humanos e dunha cultura de PAZ.

Nestes anos estivo a participar nunha serie de proxectos internacionais e coa propia comunidade, desenvolvidos por estudiantes de 1º de E.S.O.( 12 anos ) a 2º de Bacharelato ( 18 anos ), a través dun Comité UNESCO permanente e pola inclusión dos mesmos en algunhas da programación de aula.