Educación
moral e cívica: busca o fomento da convivencia
e do seu recurso principal, o diálogo, como
o único xeito de constituír relacións
nas sociedades contemporáneas. Débense
fomentar os hábitos de convivencia no centro.
Educación
vial: debe poñer o acento no problema
da inseguridades nas estradas e no fomento dos hábitos
de cumprimento das normas de circulación
tanto nos peatóns como nos conductores.
Educación
para a saúde: partindo do coñecemento
da fisioloxía do corpo o obxectivo principal
vai ser fomentar a idea do benestar físico
e mental como un valor, sen esquecer a promoción
do uso sá do lecer.
Educación
ambiental: crear o sentido da responsabilidade
individual na conservación do medio ambiente
co fomento dos hábitos respectuosos co entorno.
Neste ciclo o propio Centro é o lugar de
orixe dunha conducta respectuosa co noso entorno
que logo levar ó medio ambiente
Educación
para a paz: o coñecemento da presencia
continua da violencia nas sociedades humanas e a
incorporación definitiva de valores tolerantes,
pacifistas, cooperativos, internacionalistas entre
os valores das novas xeracións.
Educación
para o consumo: debe buscarse un consumo responsable
que enfronte criticamente as necesidades reais co
seu custo económico, medioambiental, social
e individual. Entre xoves é importante que
coñezan os dereitos que teñen como
consumidores e as características da linguaxe
publicitaria.
Educación
sexual: tendo en conta as idades do alumnado
de cada ciclo, hai que achegarse dun xeito diferente
ós temas da sexualidade, que abranguen cuestións
afectivas, fisiolóxicas e morais, sen esquecer
o tratamento non sexista deste tema.
Educación
non sexista: o obxectivo neste ciclo debe ser
superar os prexuízos sexistas que imperan
na sociedade e nos medios de comunicación
de masas. A idea que se ten que fomentar é
que todos participamos en tódalas actividades
e responsabilidades sen encasillamentos.
Educación
nos medios de comunicación: a complexidade
do mundo dos mass media motiva que a reflexión
sobre a súa utilización, comprensión
e recepción crítica sexa un asunto
que atravese tódalas áreas. O obxectivo
abranguerá tamén a búsquea
dunha utilidade educativa e social destes medios
de información
