CICLO FORMATIVO DE NIVEL SUPERIOR TÉCNICO EN SECRETARIADO
PERFIL PROFESIONAL

Este Ciclo Formativo de "TÉCNICO SUPERIOR EN SECRETARIADO", co seu amplo campo de actividade, preséntase como unha opción interesante para o alumno, xa que lle proporciona un amplo abanico de posibilidades de inserción no mundo laboral. Os despachos profesionais, a administración pública, a pequena e mediana empresa, predominante en Galicia, xeneran unha oferta de emprego que se adaptga perfectamente a estes técnicos.
Na actualidade este técnico oferece un perfil profesional solvente, responsable e cualificado no manexo das novas tecnoloxías ofimáticas, adaptable a calquera campo empresarial, independentemente do sector económico ó que se adique a empresa.
Outro aspecto que demanda o mercado laboral, e ó que se lle dá primordial importancia neste ciclo, é á formación multilingüe do técnico, cualificación precisa en calquera profesional para poder integrarse no mercado de traballoda Unión Europea, participar en programas comunitarios, ou ampliar estudios no estranxeiro.

CAPACIDADES PROFESIONAIS E CEMPETENCIAS DE ÁMBITO XERAL

- Organizar, xestionar, elaborar e transmitir a información porcedente ou con destino ós órganos executivos e de xestión en lingua propia e/ou estranxeira.
- Organizar, supervisar e realizar traballos propios dun servicio de Secretariado, tanto propio como a cargo das persoas ó seu cargo.
- Representar á empresa, actuando de relacións públicas e intérprete, fomentando a imaxe da mesma, nas relación internas e externas, segundo os obxectivos marcsdos e as normas establecidas.
- Realizar funcións administrativas con autonomía e responsabilidade.
- Sustituir ó órgano de xestión ou dirección segundo as instruccións recibidas.
- Tratamento do correo e redacción da correspondencia. Elaboración e presentación de documentación e información utilizando aplicacións informáticas.
- Interpretar a información e difinir as diferentes actuacións segundo as normas deontolóxicas do Secretariado.
- Comunicarse oralmente e por escrito de forma precisa e fluída en dous idiomas estranxeiros.
- Organizar traballos administrativos, axendas de viaxe, eventos, reunións e demais actos corporativos de forma eficaz, axustándose a criterios éticos e de imaxe.
- Manter relacións fluidas cos membros do grupo funcional no que está integrado, responsabilizándose da consecución dos obxectivos asignados ó grupo, organizando e dirixindo tarefas colectivas e cooperando na superación das dificultades.
- Resolver problemas e tomar decisións individuais sobre as súas actuacións ou as de outros, dentro do ámbito da súa competencia.

ACCESO ÓS CICLOS FORMATIVOS DE GRAO SUPERIOR

Accederase ós ciclos formativos de grao superior mediante acceso directo ou a través da proba regulada pola Orde do 1 de abril de 2002. Estas dúas formas de acceso son incompatibles. En todo caso, ó acceso mediante proba unicamente poderán concorre-las persoas que carezan dos requisitos académicos que posibiliten o acceso directo.

Para o alumnado que acredite ter superada a proba de acceso reservarase, cando menos, o 20% das prazas que se oferten para cada ciclo formativo de grao superior de formación profesional específica.

REQUISITOS PARA Ó ACCESO

1.- Acceso directo

Para acceder directamente ó ciclo formativo, será preciso estar en posesión do título de bacharelato LOXSE.

Tamén terán acceso ó ciclo formativo as persoas que cumpran algún dos requisitos académicos seguintes:

- Ter superado o segundo curso de bacharelato experimental regulado pola Orde ministerial do 21 de outubro de 1986 (BOE do 6 de novembro).
- Ter superado o C.O.U. ou preuniversitario.
- Estar en posesión do título de técnico especialista, técnico superior ou titulación equivalente a efectos académicos.
- Estar en posesión dunha titulación universitaria ou equivalente.

2.- Acceso mediante proba:
Quen non reúna as condicións anteriores, e teña 20 anos ou os cumpra no ano de inicio do ciclo, poderá acceder mediante a superación dunha proba de acceso. No caso de estar en posesión dun título de técnico, o requisito de idade é de 18 años sempre que se presente a un ciclo da mesma familia profesional.
Para acceder mediante proba resérvanse un 20% das prazas.
Requisito das probas de acceso

Os contidos da proba de acceso ós ciclos formativos de grao superior adecuaranse ós currículos das correspondentes modalidades de bacharelato previstas na Lei Orgánica 1/1990, do 3 de outubro, de ordenación xeral do sistema educativo.

A citada proba constará de dúas partes:

Parte Xeral: Acreditará a madurez en relación cos obxectivos do bacharelato, fundamentalmente en contidos procedimentais de: -Lingua galega e literatura. -Lingua castelá e literatura. -Lingua estranxeira (opción inglés ou francés). -Matemáticas.

As persoas que acrediten ter superadas totalmente as porbas de acceso á universidade para maiores de vintecinco años poderán quedar exentas de realizar esta parte da probas, en función do grao de afinidade da proba de acceso á universidade e o ciclo formativo ó que queiran acceder.

Parte Específica: Avaliará as capacidades respecto ó campo profesional correspondente ó ciclo formativo o que se pretende acceder. Esta parte avaliará os coñecementos en ralación coa materia de Economía e Organización de Empresas, agás os aspirantes a cursar Secretariado que terán que realizar ademais unha proba de Segunda Lingua Estranxeira.

Desta última parte da proba poderán quedar exentas as persoas que acrediten, polo menos, un ano de experiencia laboral nos campos profesionais que se correspondan cos estudios que pretende cursar.

VALIDACIÓNS E EXENCIÓNS

Serán validables aqueles módulos profesionais comúns a varios ciclos formativos que teñan idéntica denominación e duración, según o regulado na Orde do 20 de decembro de 2001 (BOE 9 de xaneiro de 2002). Esta validación debe pedirse no momento de formalizar a matrícula.

O módulo de FCT é susceptible de exención pola súa correspondencia coa práctica laboral. Esta exención debe pedirse 2 meses antes do comezo do periodo ordinario de FCT e teñen dereito a ela aqueles alumnos que acrediten, ó menos, unha experiencia laboral de 12 meses no mesmo campo profesional. Esta acreditación faise cun certificado de cotización á S.S. e un certificado da empresa no que se indiquen función, actividades e tarefas desempeñadas, así como a duración destas.

AVALIACIÓN E PROMOCIÓN

Para realizar o módulo de Formación en Centros de Traballo é preciso ter aprobados todos os outros módulos formativos. Se o equipo educativo o considera oportuno podese realizar a formación en centros de traballo con un módulo pendente.
Para obter o título é preciso ser avaliado positivamente en todos os módulos formativos.
Non se pode repetir máis dunha vez por módulo formativo, agás nos ciclos do réxime de Ensinanza de Persoas Adultas.

TÍTULO E ESTUDIOS

Duración: 1 ano e 1 trimestre o primeiro do curso seguinte, de prácticas en empresas.
Título: Técnico superior en Secretariado

SAIDAS Ó FINALIZAR

- Incorporación ó mundo do traballo como técnico especialista.
- Acceso directo a Escolas Universitarias.

MATERIAS/MÓDULOS FORMATIVOS

MODULOS	HORAS TOTALES	HORAS SEMANA
1º ano
Comunicación e relacións profesionais	80	3
Organización do servicio e traballo da secretaría	80	3
Xestión de datos	110	4
Elaboración e presentación de documentos	185	7
Elementos de dereito	55	2
Língua estranxeira (Inglés)	130	5
2ª Lingua estranxeira	130	5
Formación e orientación laboral	55	2
Proxecto integrado	80	3
Horas de libre disposición do centro.	55	2
2º ano (1º trimestre)
Formación en centros de traballo	340*

*A formación en Centros de Traballo (F.C.T.) realízase ó rematar a formación no Instituto. O peridodo de realización é de outubro a decembro, e seguindo o horario da empresa na que se realizan as prácticas.

Para un coñecemento máis detallado podese consultar o apartado de lexislación

Voltar arriba