CICLO FORMATIVO DE NIVEL SUPERIOR TÉCNICO EN COMERCIO INTERNACIONAL

COMPETENCIA XERAL

Os requirimentos xerais de cualificación profesional do sistema productivo para este técnico son:

Xestiona-los plans de actuación relacionados coas operacións de compra-venda, almacenamento, distribución e financiamento no ámbito internacional, de acordo con obxectivos e procedementos establecidos.
Actuar, no seu caso, baixo a supervisión xeral de Licenciados e/ou Diplomados.
CAPACIDADES PROFESIONAIS
Identificar e interpreta-la normativa vixente no comercio internacional e as súas repercusións na documentación e tramitación correspondente ás operacións de importación e exportación e operacións intracomunitarias e a súa tramitación.

Adaptarse ós cambios frecuentes que se producen na normativa vixente do comercio internacional.

Realizar operacións de compra-venda de mercadorías a nivel internacional, levando a cabo a negociación de determinados aspectos, de acordo coas características estructurais e conxunturais do país co que se establece a relación comercial e observando a normativa vixente.

Manter actualizada a información sobre as novas modalidades que aparecen no mercado de envases, embalaxes e medios de transporte no ámbito internacional, así como do seguro da operación.

Xestiona-las operacións de loxística no almacenamento e distribución internacional de mercadorías, garantindo a súa integridade e o aproveitamento racional dos medios e espacios dispoñibles.

Realiza-la xestión administrativa asociada ás importacións, exportacións e operacións intracomunitarias de mercadorías, garantindo a fiabilidade das operacións nos aspectos económicos, contractuais e legais.

Analiza-las diversas vías de financiamento das transaccións internacionais e os posibles riscos financeiros asociados a elas.

Comunicarse verbalmente ou por escrito, de xeito claro e fluído, no idioma correspondente, cos axentes intervenientes na negociación da compra-venda internacional.

Manter comunicacións efectivas no desenvolvemento do seu traballo, coordinando a súa actividade coas das outras áreas da organización.

Resolver problemas e tomar decisións individuais sobre as súas actuacións ou as de outros, identificando e seguindo as normas establecidas procedentes, dentro do ámbito da súa competencia e consultando ditas decisións cando as súas repercusións organizativas, económicas ou de seguridade sexan importantes.

Coordina-lo proceso de traslado da mercadoría, controlando que as condicións establecidas se cumpran, elaborando e tramitando a documentación necesaria na operación.

Manter relacións fluídas cos membros do grupo funcional no que está integrado, responsabilizándose da consecución dos obxectivos asignados ó grupo, respectando o traballo dos demais, organizando e dirixindo tarefas colectivas e cooperando na superación de dificultades que se presenten, cunha actitude tolerante cara ás ideas dos compañeiros e subordinados.

Posuír unha visión global e integrada do proceso de importación/exportación e operacións intracomunitarias de productos comprendendo os mecanismos de actuación establecidos entre os distintos axentes intervenientes en cada operación de comercio internacional.

ACCESO ÓS CICLOS FORMATIVOS DE GRAO SUPERIOR

Accederase ós ciclos formativos de grao superior mediante acceso directo ou a través da proba regulada pola Orde do 1 de abril de 2002. Estas dúas formas de acceso son incompatibles. En todo caso, ó acceso mediante proba unicamente poderán concorre-las persoas que carezan dos requisitos académicos que posibiliten o acceso directo.

Para o alumnado que acredite ter superada a proba de acceso reservarase, cando menos, o 20% das prazas que se oferten para cada ciclo formativo de grao superior de formación profesional específica.

REQUISITOS PARA Ó ACCESO

1.- Acceso directo

Para acceder directamente ó ciclo formativo, será preciso estar en posesión do título de bacharelato LOXSE.

Tamén terán acceso ó ciclo formativo as persoas que cumpran algún dos requisitos académicos seguintes:

- Ter superado o segundo curso de bacharelato experimental regulado pola Orde ministerial do 21 de outubro de 1986 (BOE do 6 de novembro).
- Ter superado o C.O.U. ou preuniversitario.
- Estar en posesión do título de técnico especialista, técnico superior ou titulación equivalente a efectos académicos.
- Estar en posesión dunha titulación universitaria ou equivalente.

2.- Acceso mediante proba:
Quen non reúna as condicións anteriores, e teña 20 anos ou os cumpra no ano de inicio do ciclo, poderá acceder mediante a superación dunha proba de acceso. No caso de estar en posesión dun título de técnico, o requisito de idade é de 18 años sempre que se presente a un ciclo da mesma familia profesional.
Para acceder mediante proba resérvanse un 20% das prazas.
Requisito das probas de acceso

Os contidos da proba de acceso ós ciclos formativos de grao superior adecuaranse ós currículos das correspondentes modalidades de bacharelato previstas na Lei Orgánica 1/1990, do 3 de outubro, de ordenación xeral do sistema educativo.

A citada proba constará de dúas partes:

Parte Xeral: Acreditará a madurez en relación cos obxectivos do bacharelato, fundamentalmente en contidos procedimentais de: -Lingua galega e literatura. -Lingua castelá e literatura. -Lingua estranxeira (opción inglés ou francés). -Matemáticas.

As persoas que acrediten ter superadas totalmente as porbas de acceso á universidade para maiores de vintecinco años poderán quedar exentas de realizar esta parte da probas, en función do grao de afinidade da proba de acceso á universidade e o ciclo formativo ó que queiran acceder.

Parte Específica: Avaliará as capacidades respecto ó campo profesional correspondente ó ciclo formativo o que se pretende acceder. Esta parte avaliará os coñecementos en ralación coa materia de Economía e Organización de Empresas, agás os aspirantes a cursar Secretariado que terán que realizar ademais unha proba de Segunda Lingua Estranxeira.

Desta última parte da proba poderán quedar exentas as persoas que acrediten, polo menos, un ano de experiencia laboral nos campos profesionais que se correspondan cos estudios que pretende cursar.

VALIDACIÓNS E EXENCIÓNS

Serán validables aqueles módulos profesionais comúns a varios ciclos formativos que teñan idéntica denominación e duración, según o regulado na Orde do 20 de decembro de 2001 (BOE 9 de xaneiro de 2002). Esta validación debe pedirse no momento de formalizar a matrícula.

O módulo de FCT é susceptible de exención pola súa correspondencia coa práctica laboral. Esta exención debe pedirse 2 meses antes do comezo do periodo ordinario de FCT e teñen dereito a ela aqueles alumnos que acrediten, ó menos, unha experiencia laboral de 12 meses no mesmo campo profesional. Esta acreditación faise cun certificado de cotización á S.S. e un certificado da empresa no que se indiquen función, actividades e tarefas desempeñadas, así como a duración destas.

AVALIACIÓN E PROMOCIÓN

Para realizar o módulo de Formación en Centros de Traballo é preciso ter aprobados todos os outros módulos formativos. Se o equipo educativo o considera oportuno podese realizar a formación en centros de traballo con un módulo pendente.
Para obter o título é preciso ser avaliado positivamente en todos os módulos formativos.
Non se pode repetir máis dunha vez por módulo formativo, agás nos ciclos do réxime de Ensinanza de Persoas Adultas.

TÍTULO E ESTUDIOS

Duración: 2 anos (2000 horas)
Título: Técnico superior en Comercio Internacional

SAIDAS Ó FINALIZAR

- Incorporación ó mundo do traballo como técnico especialista.
- Acceso directo a Escolas Universitarias.

MATERIAS/MÓDULOS FORMATIVO

MATERIAS	HORAS TOTALES	HORAS SEMANA
1º ano
Marketing internacional	215	8
Almacenaxe de productos	130	5
Financiamento internacional	180	6
Aplicacións informáticas	110	4
Lingua extranxeira (inglés)	180	6
Segunda lingua extranxeira	130	5
Horas de libre disposición	55	2
2º ano
Negociación internacional	110	6
Xestión adva. do comercio internacional	185	10
Transporte internacional de mercadorías	130	7
Medios de pago internacionais	90	5
Formación e orientación laboral	55	3
Proxecto integrado	90	5
Formación en centros de traballo	380*

*A formación en Centros de Traballo (F.C.T.) realízase ó rematar a formación no Instituto. O peridodo de realización é de abril a xuño, e seguindo o horario da empresa na que se realizan as prácticas.

Para un coñecemento máis detallado podese consultar o apartado de lexislación

Voltar arriba