CICLO FORMATIVO DE NIVEL MEDIO TÉCNICO EN COMERCIO

PERFIL PROFESIONAL

Competencia xeral: execua-los plans de actuación establecidos para a comercialización de productos e/ou servicios nas mellores condicións de calidade, tempo, lugar e prezo e administrar e xestionar un pequeno establecemento comercial.
Contorno funcional: almacenamento, distribución, vendas, atención ó público e clientes e animación do establecemento comercial.
Ocupacións e postos de traballo máis relevantes: comerciante, empregado de reposición, dependente en xeral e de oficio, encargado de tenda, vendedor técnico, representante comercial, xefe de caixa, empregado de atención ó cliente, almacenista e empregado de axencias comerciais.

CAPACIDADES TERMINAIS

Empregar eficazmente as técnicas de comunicación no seu medio laboral para recibir e emitir instruccións e información, intercambiar ideas ou opinións, asignar tarefas e coordenar proxectos.

Afrontar os conflictos que se orixinen no seu entorno de traballo, mediante a negociación e a consecución da participación de todos os membros do grupo na detección da orixe do problema, evitando xuízos de valor e resolvendo o conflicto, centrándose naqueles aspectos que se poidan modificar.

Tomar decisións, contemplando as circunstancias que obrigan a tomar esa decisión e tendo en conta as opinións dos demais respecto ás vías de solución posibles.

Exercer o liderazgo dun xeito efectivo no marco das súas competencias profesionais adoptando o estilo máis apropiado en cada situación.

Conducir, moderar e/ou participar en reunións, colaborando activamente ou conseguindo a colaboración dos participantes.

Impulsar o proceso de motivación no seu entorno laboral, facilitando a mellora no ambiente de traballo e o compromiso das personas cos obxectivos da empresa.

ACCESO ÓS CICLOS FORMATIVOS DE GRAO MEDIO

Accederase ós ciclos formativos de grao medio mediante acceso directo ou a través da proba regulada pola Orde do 1 de abril de 2002. Estas dúas formas de acceso son incompatibles. En todo caso, ó acceso mediante proba unicamente poderán concorre-las persoas que carezcan dos requisitos académicos que posibiliten o acceso directo.

Para o alumnado que acredite ter superada a proba de acceso reservarase, cando menos, o 20% das prazas que se oferten para cada ciclo formativo de grao medio de formación profesional específica.

REQUISITOS PARA Ó ACCESO

Acceso directo

Estar en posesión do título de graduado en Educación Secundaria obrigatoria.

Estar en posesión do título de Técnico Auxiliar (F.P.I) en calquera rama profesional.

estar en posesión do título de técnico.

Ter aprobado 2º de BUP na súa totalidade.

Ter superado o segundo curso do primeiro ciclo experimental da reforma das ensinanzas medias.

Ter superados, das ensinanzas de artes aplicadas e oficios artísticos, o terceiro curso de plan de 1963 (Decreto 2127/1963, do 24 de xullo; BOE do 6 de novembro), ou o segundo de comúns experimental (Decreto 179/1988, do 7 de xullo; DOG do 18 de xullo).

Ter superados outros estudios declarados equivalentes para efectos académicos con algún dos anteriores.

Acceso mediante proba

Quen non reúna os requisitos anteriores poderá acceder a este ciclo formativo, mediante a realización dunha proba de acceso, se está nalgunha das situacións seguintes.

(É suficiente cumprir unha soa das seguintes condicións).

Acreditar un ano de experiencia laboral ou de demandante de emprego.

Ter superado un programa de garantía social.

Ter esgotada a escolaridade na Educación Secundaria Obrigatoria.

Ter cumpridos 18 años de idade, ou cumprilos antes do 31 de decembro.

O contido da proba tomará como referencia os currículos oficiais da ESO.

Esta proba constará de dúas partes:

Parte sociocultural

Comprensión e expresión de textos escritos con propiedade, autonomía e creatividade en galego e castelán.

Coñecemento da historia, xeografía e actividades da nosa tradición e patrimonio cultural, así como análise dos mecanismos e valores que rexen o funcionamento das sociedades.

Parte científico-tecnolóxica

Resolución de problemas nos campos das matemáticas e da tecnoloxía, mediante procedementos de razoamento lóxico.

Realización de exercicios que utilicen códigos científicos e técnicos. Aplicacións do desenvolvemento científico e tecnolóxico e a súa incidencia no medio físico e social.

VALIDACIÓNS E EXENCIONS

Serán validables aqueles modulos profesionais comúns a varios ciclos formativos que teñan idéntica denominación e duración, según o regulado na Orde de 20 de decembro de 2001 (BOE 9 de xaneiro de 2002). Esta validación debe pedirse no momento de formalizar a matrícula.

O módulo de FCT é susceptible de exención pola súa correspondencia coa práctica laboral. Esta exención debe pedirse 2 meses antes do comenzo do perido ordinario da FCT e teñen dereito a ela aqueles alumnos que acrediten, ó menos, unha experiencia laboral de 12 meses no mesmo campo profesional. Esta acreditación faise cun certificado de cotización á S.S. e un certificado da empresa no que se indiquen funcións, actividades e tarefas desempeñadas, así como a duración destas.

AVALIACIÓN E PROMOCIÓN

Para realizar o módulo de Formación en Centros de Traballo é preciso ter aprobados todos os outros módulos formativos. Se o equipo educativo o considera oportuno pódese realizar a formación en centros de traballo con un módulo pendente.

Para obter o título é preciso ser avaliado positivamente en todos os módulos formativos.

Non se pode repetir máis dunha vez por módulo formativo, agás nos ciclos do réxime de Ensinanzas de Persoas Adultas.

TÍTULO E ESTUDIOS

Duración: 1 ano de formación académica e 1 trimestre, o primeiro do curso seguinte, de prácticas en empresa.
Título: Técnico en Comercio

SAIDAS Ó FINALIZAR

- Incorporación ó mundo laboral como traballador cualificado.
- Bacharelato de Humanidades e Ciencias Sociais

MATERIAS/MÓDULOS FORMATIVOS

MATERIAS	HORAS TOTALES	HORAS SEMANA
1º ano
Operacións de almacenaxe	110	4
Animación do punto de venda	160	6
Operacións de venda	160	6
Aplicacións informáticas de propósito xeral	110	4
Lingua estranxeira	110	4
Administración e xestión dun pequeno comercio	130	5
Relacións no equipo de traballo	55	2
Formación e orientación laboral	55	2
Horas de libre disposición do centro	70	3
2º ano
Formación en Centros de Traballo	440*

*A formación en Centros de Traballo (F.C.T.) realízase ó rematar a formación no Instituto. O peridodo de realización é de outubro a decembro, e seguindo o horario da empresa na que se realizan as prácticas.

Para un coñecemento máis detallado podese consultar o apartado de lexislación

Voltar arriba